2024 ОНЫ ТОП-100 АЖ АХУЙ НЭГЖЭЭР “БАЯЛАГ ЭНЕРЖИ РЕСУРС” ХХК ДАХИН ШАЛГАРЧ АМЖИЛТАА БАТАТГАЛАА.

Улсын эдийн засгийн гол хөдөлгөгч хүч болж, татварын орлогыг бүрдүүлэхэд үнэтэй хувь нэмэр оруулж буй 2024 оны топ 100 аж ахуй нэгжийг Монгол Улсын Засгийн газар болон Монголын Үндэсний Худалдаа Аж Үйлдвэрийн танхимаас эдийн засгийн үзүүлэлт, олон улсын аргачлалын дагуу өнөөдөр албан ёсоор танилцууллаа. Манай компани нь 2019 оноос хойш тасралтгүй жил бүр ТОП-100 аж ахуйн нэгжээр шалгарч байгаа бөгөөд 6 дахь жилдээ 2024 оны ТОП-100 аж ахуй нэгжээр тодорч, 37 дугаар байранд эрэмбэлэгдлээ. Бид өнгөрсөн жилүүдийн амжилтаа дахин бататгасан төдийгүй шалгуур үзүүлэлтийн дүнгээр 3 байр урагшилсан амжилттай байна. Бид дараах үзүүлэлттэйгээр ТОП-100 аж ахуй нэгжийн жагсаалтад жагслаа.
• Борлуулалтын орлогын хэмжээгээр – 42
• Төлсөн татварын дүнгээр – 36
• Даатгуулагчийн тоогоор – 38
• Ашгийн хэмжээгээр – 23
• Хөрөнгийн эрэмбээр – 29
Бидний энэхүү амжилт нь харилцагч, хамтран ажиллагч байгууллагууд болон чадварлаг баг хамт олны чин сэтгэлийн хөдөлмөр, хичээл зүтгэлийн үр дүнтэй салшгүй холбоотой билээ. Улс орныхоо хөгжил дэвшил, байгууллагынхаа эрхэм зорилгын төлөө нэгэн сэтгэлээр хамтдаа зүтгэж байгаа хамт олондоо баярлалаа. Цаашид амжилтаа улам бататгахын төлөө хамтдаа урагшилцгаая!